HKARCHER – 讓努力不再被時間沖淡

當時老闆問了我兩個問題，令我印象深刻。第一個是：「你射箭咁多年，有咩成績？」老實講，我一時間真係答唔出，腦海一片空白。只記得我答佢：「最開心嘅一次係同一哥打咗一場比賽。」其他成績，難以去形容。

第二個問題係：「你教學生有咩成績？」我又再次語塞。回憶中有些諷刺嘅係，我所有獎牌都冇寫名，有啲甚至連比賽名字都褪色，彷彿連證明都慢慢消失。

呢件事令我深深體會到，運動員嘅努力好容易被忽略。汗水、拼搏、堅持——好多時都如過眼雲煙，走過嘅路冇留下痕跡。但我相信，呢啲記憶值得被保存，唔應該隨時間流逝。我希望可以為大家留住呢份動力，為未來嘅自己打氣。

因為我有能力，所以我選擇幫佢哋記錄時間，記錄努力。呢就係HKARCHER可以做到嘅事。當我重新整理資料後，你會發現每一份榮譽背後都係汗水與堅持嘅結晶。