HKARCHER – 射箭標準Form？唔係一式一樣就啱！
好多人都會討論咩叫「射箭標準Form」，甚至覺得只要下面alignment有藍Tik就代表姿勢正確。從物理角度嚟睇，呢個講法冇錯，喺基礎技術層面上可以咁理解。但如果深入到「個體生物力學」，情況就完全唔同。高階教練更重視每位射手嘅身體結構與成長階段，因為每個人嘅生物力學都唔一樣，隨住年齡、生長、性別等因素不斷變化。尤其係小朋友，喺成長期中，身體結構會不停調整，所以佢哋嘅射箭姿勢都需要不斷鞏固與修正。講「力」唔係三言兩語可以解釋清楚，背後涉及好多細節。
我特別想指出一點：對於有外翻情況嘅女性射手，更要留意佢哋骨骼發展。唔係所有推手動作都要「死直推」，有時反而要以柔制剛，做到動作與身體之間嘅和諧配合。
射箭唔係套公式咁簡單，而係一門結合技術、身體、感覺嘅藝術。