HKARCHER – 箭場上的一張相，背後的故事
影相喺箭場，有時真係幾搞笑。大家都想影靚相，留住啲開心時刻；有時影到啲唔太理想嘅，就自己留返嚟檢討。但如果影相變成「公開審判」，咁就有啲過火啦～😅😅
我成日都講，學生可以揀教練，教練都可以揀學生，呢個唔係問題。最緊要係教練幫到學生發揮潛能，而學生亦願意尊重教練，咁就夠啦。
講真，做專項教練，難免會有自己一套堅持。但唔係每個學生都理解，有時反而會覺得壓力大。我都係後來先慢慢明白，其實呢啲都係群體互動嘅一部分。
教練其中一個責任，就係幫學生爭取最好嘅訓練環境，減少唔必要嘅煩惱。但有時爭取得太盡，反而變成另一種壓力。人與人之間嘅關係就係咁複雜，好多時都係教練頂住，默默處理。
至於教練同學生分開之後，我覺得冇必要再喺技術上糾纏，交畀新教練去接手就好。我記得有個妹，我而家冇再教佢，但大家仲有聯絡，會傾下生活、問下近況，唔再講技術——呢啲就係最舒服嘅關係，唔使搞到咁複雜，畀大家一個新開始，夠晒溫暖。
07/02/2024