HKARCHER -「我真的有夠努力嗎 ？」

近排見到好多唔同項目攞獎，我心裡不禁諗：我哋開展咗幾十年，點解成績仲係咁？經常都糸龍尾，究竟發生咗乜事？ 以前出外比賽，幾乎每分錢都要自己出，試過支助得 HKD500蚊，已經包括機票費、酒店費、保險費、車費、參賽費都系自己、支助費重要包埋買果套制服費，好彩當時重有些成績；而家支助明明比以前多，理論上成績應該更好，但結果卻唔係咁。

好多年冇去過訓練場，現在感覺特別深刻，心中浮起一個問號：「 你哋真係夠努力嗎？」 講真，喺同一條時間線上努力嘅不少。你努力，其他人都努力；你有訓練同支援，別人未必比你好，但成績始終追唔上人哋，咁到底問題出喺邊度？

所以我做咗個檢測表，簡單分析訓練上是否有那不足。努力固然重要，但你嘅努力係咪真正「達標」？定係只係「虛標」？抑或訓練方式根本唔合格？雖然每個人都有自己嘅方法，但有啲基本要求還是需要。不過唔努力，成功嘅機會根本唔會存在。

咁……乜嘢先叫努力？乜嘢先叫成功？「努力唔等於成功，成功必須到位。」有位導演講過令我好深刻的一句：「大家都在努力，有啲人努力咗一生，比你努力千倍，但佢成功咗嗎？真正成功嘅，只有突圍而出、攞到獎嘅少數人。」獎項就係一個重要指標用 ! 有人話奪標唔係一切，冇錯，可能仲有其他得著，但現實往往殘酷——奪標就係資源爭奪戰。

記得有朋友同我講，近年成績提高咗好多，好好呀！但我只係反問一句：「有冇攞到國際獎項？」因為問題始終一樣：「成績提高唔代表足夠，因為別人都在提高。」我哋努力嘅目標唔係自我滿足，而係要超越對手。

呢件事令我諗返當年，大家爭論最激烈嘅係「業餘運動員」同「專業運動員」嘅分野。當年有隻小老鼠解釋未到位，大家各持己見  !  二十年後，經歷多咗，自然會更加清楚自己屬於邊一邊，所以我做左個檢測表去分析一下，我覺得幾好用。訓練有先天資質同後天努力，但成功仲要靠天時地利人和，就好似演員咁，無論幾努力，都要等到合適嘅劇本。但前提係，你必須努力達標。

我多年記憶中，只記得有兩個人真正做到接近當時的專業角色，其中一個我叫佢「狂人」。佢日日上山練功當返工；落雨就室內練，打到啲靶爛晒；去海外仲帶埋教練去，教練更顛，生意唔做關門飛埋去陪佢練。短短時間就打敗所有人，之後卻選擇退出。呢種伯樂與千里馬嘅關係，真係令人難忘。

訓練上，唔識練同識練，差距好大。最重要係「到位」。教練能力系非常重要 !

• 唔識練 → 冇目標、冇時間線、靠土法。
• 識練 → 有規劃、有教練、有支援，能夠超越。

至於學生，真係要學識乜嘢叫禮貌 !

我將教練嘅知識整理成檢測表，大家可以研究下自己是否達到某階段，我並無把文章來源碼上鎖，入面仲有自行調整方向，效果唔錯，指標清晰。

本來應該講啲鼓勵說話，但我覺得真實雖然難聽，卻比隨便講句「加油」更有價值。

講咁多，其實最重要嘅係大家要反思： 「我真係有夠努力嗎？」