HKARCHER – 寒冬過後，教練更要懂得儲備與提升
走過寒冬，最重要的不是抱怨，而是提升自己的儲備能力。 大家常說人工低、做到賤，但如果你認為「公價」改不了，那就要明白：做唔做，其實決定權在自己手上。
要避免被淘汰，最根本的是提升自身價值。曾經我提議在大會頁面加入教頭名冊，結果未正式推行就因「私隱問題」被擱置。所以我選擇在自己網站內頁加入個人資料項，目的很簡單——希望每位同行都有一份履歷存在，不至於讓自己的才能白白浪費。
現今不少課程背後都有金主支持，而他們往往會私下查閱教練資歷。去親子國睇一圈就知，收費高低唔代表質素，收得平唔一定贏，收得貴唔一定好——但買家一定有選擇權。你要做的，是讓人清楚知道你的價值，自然機會就會多。
我設立資歷項，除了方便查閱，也希望為曾經一齊走過的朋友留多一點空間。雖然維持網站成本唔低，但這份心意，是我對大家的感謝。
履歷表真係好有用。我記得有次喺新西蘭遇到一位射箭朋友，大家初識，我只需展示網站，唔使多講，對方已經明白我嘅背景。雖然我唔係以教頭為主業，但我有的資歷還算過得去。搵食唔止靠技術，仲要識得建立自己嘅網絡。
大家應該學多啲技能，唔好只靠一招半式。其實好多能力，早喺教頭法例中已經有教，只係……大內自宮咗。
我寫《青苗淡寫》，唔係為咩千里馬與伯樂，而係希望教頭們可以拓闊多啲路。教練都要食飯，但只要人工合理，盡力做好本份，就已經值得尊重。