HKARCHER – Bow Tuning唔止係「整好把弓」咁簡單
今日喺度等時間，不如講吓Bow Tuning。不過我唔係想教大家點樣Tune一把弓，而係想探討一下「Bow Tuning」到底係咩意思。
而家好流行嘅做法係：你將把弓交畀技術人員，佢幫你整理好所有部件，設定好，再幫你試打出所謂嘅「Benz位」，然後交返畀你。咁樣就算完成咗Tuning？你收貨？
坦白講，我只會稱呢個做法為「Pre-Tuned」，因為當中其實仲有好多誤差。我認為用機器打Benz位先至可以定義為真正嘅Pre-Tune，因為干擾少，數據穩定，先有參考價值。
咁係咪就完全否定人手做Pre-Tune？我唔會咁講，只係覺得唔夠理想。人手操作有太多變數，要特別注意幾個重點。例如：如果射手本身用Side Rod，佢好難幫其他人做Benz位。因為習慣唔同，感覺會唔準，最終測出嚟嘅Benz位可能係測試者嘅，而唔係射手本人嘅。
呢點真係要小心，唔好誤會咗Tuning已經完成，其實仲有好多細節未處理。
時間差唔多啦，下次有機會我再講深入啲。Bow Tuning，其實真係一門學問。
25/05/2024