HKARCHER – 規例唔應該忽略心思
睇到啲新出嘅規例，我真的心深沉了：學生都係一班小妹妹，點可能完全唔出界？唔犯規？唔失誤？
我培養嘅係精英種子，每一位由第一日開始就係朝住世界賽方向設計訓練。本地比賽對我嚟講，只係練習場，佢哋攞到獎，只係一碟甜品——開心，但唔係重點。我最執著嘅係「記錄」，因為每一個記錄都代表住大家一齊努力嘅成果，係一個里程碑，亦係我繼續推動嘅動力來源。要一個射手真正成長，唔止係技術訓練，仲要心理、節奏、應變、失敗……失敗本身都係訓練嘅一部分。如果連失敗都變成壓力，咁就真係好可悲。
所以，面對問題，應該針對「事」，唔好將焦點放喺「人」身上。教練、制度、學生——大家都需要空間去成長，而唔係被規例困住。